Առաջադրանք 1.
Այս ամառ ես կարդացել եմ հետևյալ հեքիաթները՝
Եսասեր հսկան – Այս հեքիաթը գրել է Օսկար Ուայլդը: Ամենից շատ ինձ դուր է եկել այս հատվածը. <<Պարտեզի հեռավոր անկյունում հայտնաբերեց ոսկեզօծ ծառ, որը նախկինում երբեք չէր տեսել: Քիչ էր մնում սիրտը կրծքից դուրս թռչեր, երբ տեսավ իր սիրելի փոքրիկ տղային՝ ծառի տակ կանգնած: Հսկան վեր կացավ տեղից և շտապեց տղայի մոտ, բայց երբ մոտեցավ նրան, սարսափած կանգ առավ: Տղայի ձեռքըի ափերն ու ոտքերն ամբողջությամբ պատվաած էին վերքերով>>:
Հսկա– նա բարի էր, շատ էր սիրում իր պատեզը, հետո նա սկսեց սիրել նաև երեխաներին:
Ես սկզբում կարծում էի, որ հսկան չար էր , բայց նա հասկացավ իր սխալը և սկսեց սիրել երեխաներին:
Դավիթն ու հսկան – Այս պատմությունը Աստվածաշնչի Հին կտակարանից է: Ինձ դուր է եկել հետևյալ հատվածը. << Դավիթը վերցրեց կլոր քարերից մեկը, դրեց իր պարսատիկի վրա, նշան բռնեց հսկայի հաստ հոնքերի մեջտեղին և թափով բաց թողեց: Քարը գնաց ու հարվածեց հսկայի ճակատին: Հսկան անմիջապես տապալվեց գետնին>>:
Դավիթ– նա քաջ էր և խիզախ, չէր վախենում փորձություններից:
Գողիաթ– նա շատ ուժեղ էր և հսկա էր, բոլորը վախենում էին նրանից:
Ես կարծում եմ, որ այս պատմությունը շատ հետաքրքիր, այն մեզ սովորեցնում է, որ ամեն ինչում պետք է ապավինել Աստծուն, քանի որ Դավիթն Աստծո օգնությամբ հաղթեց Գողիաթին:
Առյուծն ու մուկը – Այս առակը գրել է Եզոպոսը: Ինձ դուր է եկել այս հատվածը. <<- Ես երբեք չեմ մոռանա քո լավությունը, մկնի՛կ,- մռլտաց հսկա առյուծը,- շնորհակալ եմ խոստումդ պահելու ու ինձ օգնելու համար>>:
Առյուծ – ինքնահավան էր, խղճաց մկնիկին:
Մկնիկ – մկնիկը շնորհակալ կենդանի էր, նա կատարեց իր խոստումը:
Այս առակից ես սովորեցի, որ պետք չէ թերագնահատել ոչ ոքի, անգամ փոքրիկ մկնիկի, որը փրկեց առյուծի կյանքը ու կատարեց իր խոստումը:
Բելն ու Հրեշը – Այս հեքիաթը գրել է Մադամ Լեպրինս դե Բոմոնտին: Ինձ դուր է եկել այս հատվածը. <<- Սիրելի՛ս, Բե՛լ, շնորհակալ եմ, որ ազատեցիր ինձ չար կախարդանքից: Ես կարող էի ազատվել կախարդանքից միայն այն ժամանակ, երբ մի աղջիկ սիրահարվեր ինձ>>:
Բել – շատ գեղեցիկ ու բարի աղջիկ էր, շատ խելացի էր ու սիրում էր գիրք կարդալ՞
Բիանկա և Բետինա – նրանք շատ ծույլ էին, ամբողջ օրը զբաղված էին իրենց արտաքինով: Նրանք նաև նախանձ էին:
Հայրիկ – հարուստ առևտրական էր, շատ էր սիրում իր երեք դուստրերին:
Հրեշ – նա շատ վախենալու արտաքին ուներ, բայց ուներ շատ բարի ու նուրբ հոգի:
Ինձ հեքիաթը շատ դուր եկավ, հատկապես, երբ վերացավ կախարդանքը:
Առաջադրանք 2.
Այս ամառ ես ընտանիքիս ու հայրիկիս ընկերների հետ գնացել եմ Գողթ գյուղում գտնվող հանգստյան գոտիներից մեկը: Այնտեղ շատ գեղեցիկ էր, կային մեծ և փոքր լողավազաններ: Ամբողջ օրը ես և ընկերներս լողացինք լողավազանում: Երեկոյան մենք տարբեր խաղեր խաղացինք: Այդ օրը մենք գիշերեցինք այդ հանգստյան գոտում: Հաջորդ օրը մենք գնացինք Գեղարդի վանք, հետո՝ Գառնիի տաճար: Ես ունեցա շատ լավ ու տպավորիչ հանգստյան օրեր:
Հուլիս ամսին ես մայրիկիս և քույրիկիս հետ մեկնել եմ Սոչի քաղաք՝ հանգստանալու և այցելելու մորաքրոջս: Ես շատ եմ սիրում Սոչի քաղաքը, քանի որ այն գտնվում է Սև ծովի ափին: Մենք ամեն օր գնում էինք ծով՝ լողում էինք ու վայելում արևը: Ես շատ ուրախ և հիշարժան օրեր անցկացրի այնտեղ:
Սոչիում հանգստանալու ժամանակ ես մայրիկիս հետ այցելեցի Ադլեր քաղաք: Մենք գնացինք Ադլեր արագընթաց գնացքով: Այնտեղ ես անցկացրի շատ լավ և ուրախ ժամանակ: Մենք գնացինք լողափ, լողացինք, օգտվեցինք ջրային ատրակցիոններից, զբոսնեցինք քաղաքում և վայելեցինք գեղեցիկ տեսարանները: Երեկոյան վերադարձանք Սոչի:
Սոչիում հանգստանալուց հետո վերադարձանք Հայաստան՝ իմ սիրելի Երևան:
