My hobby is painting. I love paint very much. I paint different pictures.I like work with brushes and colors. My painting teacher’s name is Nare. I love her very much.
Daily Archives: November 4, 2023
Կյանքից թանկ բանը
Վայրի աղավնին` կուրծքը վիրավոր,
Ընկել էր մենակ աղբյուրի եզրին,
Ծորում էր շիթ-շիթ արյունը բոսոր,
Մեռնում էր, աչքը` ջրի երազին:
Քնքուշ պարիկը տեսավ դալկահար
Մեռնող աղավնուն և խոսեց այսպես.
-Տուր ինձ այն, ինչ-որ թանկ է քեզ համար,
Էն թանկագինը, կյանք տամ իսկույն քեզ:
Մեռնող աղավնին խորհում է ինքնին.
-Էն թանկագինը կյանքն է անպատճառ.
Ա~խ, ծաղրում է ինձ աղբյուրի ոգին:
-Էհ լավ, թող լինի. տուր և նորից առ:
Պարիկը ցողեր սրսկեց վերքին,
Աղավնին բացեց աչքերը ոսկի,
Ու թևին տալով` ծափեց խնդագին.
-Ե՞րբ կուզես կյանքս, նազելի ոգի:
-Թևերդ կուզեմ, կյանքդ քեզ լինի:
-Թևե՞րս… ինչպե՞ս, օ~հ, երբեք, երբեք.
Առանց թռիչքի կյանքը գին չունի
Կյանքս առ,- թռչունն ասաց սրտաբեկ:
-Թռիր, սիրելիս, ազատ ու վայրի,
Թռիր ու ասա ստրուկ աշխարհքին
Թե ինչն է թանկը կյանքից ավելի…,-
Ասաց ջրերի լուսեղեն ոգին:
Հարցեր և առաջադրանքներ
- Դո՛ւրս գրիր անծանոթ բառերը և բառարանի օգնությամբ բացատրի՛ր:
- բոսոր-կարմիր
- պարիկ-փերի
- դալկահար-գունատ
- սրտաբեկ-թախծոտ
- Գրավոր բացատրի՛ր ջրի երազ, ստրուկ աշխարհ արտահայտությունները:
- Ջրի երազ-քանի որ վիրավոր էր, երազում էր ջրի նման ազատ լիներ:
- Ստրուկ աշխարհ-նշանակում է, որ աշխարհը ազատ ու անկախ չէ:
- Ո՞րնէ առակի ասելիքը և ի՞նչ է սովորեցնում այն քեզ:
- Այս առակից հասկացա որ, ամենալավ բաներից մեկը բարությունն ու լավությունն է:
- Դո՛ւրս գրիր հիմնական իմաստն արտահայտող տողերը։
- -Թռիր, սիրելիս, ազատ ու վայրի,
- Թռիր ու ասա ստրուկ աշխարհքին
- Թե ինչն է թանկը կյանքից ավելի…,-
- Ասաց ջրերի լուսեղեն ոգին:
Իմ ուսումնական աշունը հայրենագիտություն առարկայից
Երևանի 2800-ամյակին նվիրված այգին իմ ամենասիրած այգիներից մեկն է Երևանում: Այն իմ բնակության վայրից մի քիչ հեռու է գտնվում, բայց մեքենայով մենք այնտեղ հասնում ենք 15 րոպեի ընթացքում: Այն գտնվում է Կենտրոն վարչական տարածքում: Այգու բացումը տեղի է ունեցել 2019 թվականի մայիսի 10-ին։ Նախկինում այն եղել է Անգլիական այգու մի մասը: Վարդանյան եղբայրներն այս այգին վերանորոգել են ու նվիրել են երևանցիներին Երևանի 2800 ամյակի կապակցությամբ: Այգում կա 2800 հատ շատրվան:
Ես այս այգին շատ եմ սիրում, ամռանը ես այնտեղ գնում եմ և զովանում եմ, ջրվում եմ ու հաճույք ստանում:
Երկրի տարեկան պտույտը Արեգակի շուրջը
Երկիրը պտտվում է ոչ միայն իր առանցքի շուրջը, այլև Արեգակի: Իր առանցքի շուրջը Երկրի պտույտն անվանում են օրական պտույտ, իսկ Արեգակի շուրջը՝ տարեկան պտույտ: Այդպես են կոչվում, որովհետև Երկիրն իր առանցքի շուրջը մեկ լրիվ պտույտը կատարում է մեկ օրում, իսկ Արեգակի շուրջը՝ մեկ տարում: Տարվա տևողությունը 365 օր 5 ժամ 48 րոպե 46 վայրկյան է: Չորրորդ տարվա փետրվար ամիսն ավելանում է 1 օրով, և օրերի քանակը դառնում է 29 օր, իսկ տվյալ տարին ունենում է 366 օր: Այդ տարին համարվում է նահանջ տարի:
Այն ուղին, որով շարժվում է մոլորակը, կոչվում է ուղեծիր: Այլ կերպ ասած՝ դա նրա հետագիծն է: Արեգակի շուրջը Երկրի պտտման ուղեծիրը գրեթե շրջանագիծ է: Արեգակի շուրջը Երկրի տարեկան պտույտի մասին կարելի է պատկերացում կազմել՝ դիտելով տելուրիում կոչվող սարքի աշխատանքը: Երկրի տարեկան պտույտով է պայմանավորված տարվա չորս եղանակների ( գարուն, ամառ, աշուն, ձմեռ) կանոնավոր հերթափոխը, որն ունի հետևյալ երեք պատճառները.
ա) Երկրի պտույտը Արեգակի շուրջը,
բ) Երկրի պտտման առանցքի թեքությունը ուղեծրի հարթության նկատմամբ,
գ) տարածության մեջ նրա պտտման առանցքի ուղղության անփոփոխ լինելը:
Այն կիսագնդում, որով Երկիրն ուղղված է դեպի Արեգակը, ամառ է, իսկ մյուս կիսագնդում՝ ձմեռ: Հունիսի 22-ին հյուսիսային կիսագնդում ամենաերկար ցերեկը և ամենակարճ գիշերն է, իսկ հարավային կիսագնդում՝ ամենակարճ ցերեկը և ամենաերկար գիշերը: Դեկտեմբերի 22-ին հյուսիսային կիսագնդում լինում են ամենակարճ ցերեկը և ամենաերկար գիշերը, իսկ հարավային կիսագնդում ՝ հակառակը:
Հունիսի 22-ը հյուսիսային կիսագնդում կոչվում է ամառային արևադարձի օր, իսկ դեկտեմբերի 22-ը՝ ձմեռային արևադարձի օր:
Սեպտեմբերի 23-ին ու մարտի 21-ին գիշերվա և ցերեկվա տևողությունները հավասարվում են: Հյուսիսային կիսագնդում մարտի 21-ը կոչվում է գարնանային գիշերհավասարի օր, իսկ սեպտեմբերի 23-ը՝ աշնանային գիշերահավասարի օր:
Այլ է պատկերը բևեռներում. մարտի 21-ից մինչև սեպտեմբերի 23-ը վեց ամիս Հյուսիսային բևեռում ցերեկ է, որը կոչվում է բևեռային ցերեկ : Այդ նույն ժամանակամիջոցում Հարավային բևեռում գիշեր է, որը կոչվում է բևեռային գիշեր:
Սեպտեմբերի 23-ից մինչև մարտի 21-ը Հյուսիսային բևեռում լինում է բևեռային գիշեր, իսկ Հարավայինում՝ բևեռային ցերեկ:
Հարցեր
1. Ինչո՞վ է պայմանավորված տարվա չորս եղանակների հերթափոխումը:
ա) Երկրի պտույտով Արեգակի շուրջը,
բ) Երկրի պտտման առանցքի թեքությամբ ուղեծրի հարթության նկատմամբ,
գ) տարածության մեջ նրա պտտման առանցքի ուղղության անփոփոխ լինելով:
2. Որո՞նք են արևադարձի և գիշերահավասարի օրերը:
Արևադարձի օրերն են՝ հունիսի 22 և դեկտեմբերի 22:
Գիշերահավասարի օրերն են՝ սեպտեմբերի 23 և մարտի 21:
3. Ի՞նչ են բևեռային գիշերներն ու ցերեկները, և ինչքա՞ն է դրանց տևողությունը:
Սեպտեմբերի 23-ից մինչև մարտի 21-ը Հյուսիսային բևեռում լինում է բևեռային գիշեր, իսկ Հարավայինում՝ բևեռային ցերեկ և տևու է 6 ամիս:
Մարտի 21-ից մինչև սեպտեմբերի 23-ը Հուսիսային բևեռում բևեռային ցերեկ է, Հարվային բևեռում՝ բևեռային գիշեր և տևում է 6 ամիս:
4. Ո՞րն է նահանջ տարին:
Յուրաքանչյուր 4 տարին մեկ տարին ավելանում է 1 օրով և կոչվում է նահանջ տարի: